Il a rwaitî, dins ene fele loumire, el sibarante grandiveusté des omes, a voleur rîler l' Daegne. A lyi mete dissu s' dossire leus lwès, leus felès mzeures, leus acostumances.
I s' a rafiyî, a s' è disgoster, di leus ptits djeus, di leus poennes, di leus stroetès idêyes d' egoyisses di leus fadès inveyes, do racrapotaedje di leu foice.
Il a loukî pitieuzmint les cis ki n' plèt vey voltî ki leu payis.
Adon, n a-st on pezant mantea k' a tcheyou dissu ses spales, et rider dirî lu. On mantea tcherdjî del pezanteur di çou k' gn a d' fås, di minåbe, di tiranike; tote le toursiveusté di l' ome dins l' omanité.