რობერტ ენდრუს მილიკენი | |
ინგლ. Robert Andrews Millikan | |
რობერტ მილიკენი 1920-იან წანეფს | |
დაბადებაშ თარიღი: | |
---|---|
დაბადებაშ აბანი: | |
ღურაშ თარიღი: |
ქირსეთუთა 19, 1953 (85 წანერი) |
ღურაშ აბანი: |
სან-მარინო, კალიფორნია, ააშ |
მენოღალობა: | |
ომენცარე სფერო: | |
სამუშაშ აბანი : | |
ალმა-მატერი: | |
ომენცარე ხემანჯღვერი: | |
ჯოხოშინელი მოგურაფეეფი: |
კარლ დეივიდ ანდერსონი |
ჯილდოეფი დო პრემიეფი: |
კომსტოკიშ პრემია ფიზიკას (1913) |
ხეშმოჭარუა: |
რობერტ ენდრუს მილიკენი (ინგლ. Robert Andrews Millikan; დ. 22 მელახი, 1868, მორისონი, ილინოისი, ააშ — ღ. 19 ქირსეთუთა, 1953, სან-მარინო, კალიფორნია, ააშ) — ამერიკალი ფიზიკოსი. ზიმუ ელექტრონიშ ელემენტარული მუხტი დო გურაფულენდჷ ფოტოელექტრულ ეფექტის. გინოჩეს ნობელიშ პრემია ფიზიკას, 1923 წანას.
რობერტ ენდრუს მილიკენქ დებადჷ 1868 წანაშ 22 მელახის, ნოღა მორისონს, ილინოისიშ შტატის. გურაფულენდჷ ობერლინიშ კოლეჯის დო უკულ კოლუმბიაშ უნივერსიტეტის. დუდშე ანტიკურ ნინეფს გურაფულენდჷ დო ფიზიკათ დაინტერესებულ ვარდჷ. 1895 წანას მილიკენქ თხილუ ოდოქტორე დისერტაცია ფიზიკას, ოგდენ რუდიშ ხემანჯღვერობათ. გურაფაშ თებაშ უკულ მუშენდჷ ჩიკაგოშ უნივერსიტეტის ასისტენტო 1896 წანაშე, 1910 წანას გინირთჷ ფიზიკაშ პროფესორო. მილიკენი შინელი რე შხვადოშხვა ექსპერიმენტეფით. 1909 წანაშე დიჭყჷ ექსპერიმენტეფ ელექტრონიშ მუხტიშ ოზიმალო. მილიკენქ დიო აკეთჷ ექსპერიმენტ დამუხტული წყარიშ ჭვეთეფიშ გიმორინაფათ, მარა ექსპერიმენტი ზუსტი ვარდუ დო გინილ ექსპერიმენტიშა, სოდეთ გიმირინუანდჷ ზეთის, წყარიშ ჭვეთეფიშ მანგიორო. ჸათე ექსპერიმენტით მილიკენქ შელებუ ელექტრონიშ მუხტიშ ზიმუა. 1914 წანაშე მილიკენი ალბერტ აინშტაინიშ თეორიეფიშ გიმორინაფათ, გურაფულენდჷ ფოტოეფექტის. 1921 წანას მილიკენქ ჩიკაგოშ უნივერსიტეტი ქიდიტუ დო გინილჷ კალიფორნიაშ ტექნოლოგიაშ ინსტიტუტიშა, სოდეთ გურაფულენდჷ რადიაციას, ნამუთ მიშუ უქიანოშე. ჸათე რადიაციას მილიკენქ გიოდჷ "cosmic rays". რობერტ მილიკენი 1921-1946 წანეფს რდჷ კალიფორნიაშ ტექნოლოგიაშ ინსტიტუტიშ მაართა პრეზიდენტი.
რობერტ მილიკენიშ ოსური რდჷ გრეტა ერვინ ბლანჩარდი (1876-1955). ჸუნდეს სუმი სკუა: კლარკ ბლანჩარდ მილიკენი, ნამუთ რდჷ აერონავტიკაშ პროფესორი კალიფორნიაშ ტექნოლოგიაშ ინსტიტუტის, გლენ ალან მილიკენი, ნამუთ რდჷ ფიზიოლოგი დო მაქს მილიკენი - ეკონომისტი, მასაჩუსეტსიშ ტექნოლოგიაშ ინსტიტუტიშ პროფესორი. რობერტ ენდრიუს მილიკენქ ღურუ 1953 წანაშ 19 ქირსეთუთას, სან-მარინოს, კალიფორნიას.