The Wall est album undecimum Pink Floyd gregis musici anno 1979 editum. Est album duplex, i.e. binos phonodiscos continet. Albo insunt carmina pernota Another Brick in the Wall, Part 2 et Comfortably Numb
Carmina depingunt narrationem integram de viro nomine Pink, quae partim posita est in vitis Rogerii Waters, narrationis scriptoris, et Syd Barrett socii pristini gregis. Pink iam a puero angitur a matre praeter modum providenti, morte patris, magistris, republica. Fit tamen musicus praeclarus, sed nunc infidelitate, usu medicamentorum illegalium, violentiá patitur. Harum anxietatum causá quasi paries inter se et mundum extraneum construitur, quo demum fit, ut morbo mentis pati et halucinari incipit.
Post triennium ab albo edito pellicula nomine Pink Floyd - The Wall edita est, quae in narratione albi posita est.