Ifor Wyn Williams

Ifor Wyn Williams
Dinasyddiaethy Deyrnas Unedig Edit this on Wikidata
Galwedigaethawdur Edit this on Wikidata
Blodeuodd1971 Edit this on Wikidata

Athro ac awdur o Gymro oedd Ifor Wyn Williams (31 Awst 1923 – 1999).

Magwyd Ifor ym Mangor a mynychodd ysgolion Hirael a Friars cyn hyfforddi yn y Coleg Normal. Roedd yn filwr am gyfnod yn yr Ail Ryfel Byd.

Bu yn brifathro yn Rhosgadfan, Conwy a Llanfairpwll.

Enillodd wobr Nofel Antur yr Eisteddfod yn 1966. Enillodd y Fedal Ryddiaith yn Eisteddfod Genedlaethol Cymru Bangor a'r cylch 1971 gyda'r nofel Gwres o'r Gorllewin. Ysgrifennodd ddramâu, pantomeim a chyfresi ar gyfer radio a theledu yn cynnwys Lleifior, Cysgodion Gdansk a Barbarossan, a 14 o nofelau.

Bu farw o ganser yn 1999.

Cyfeiriadau

  1. ↑  Ifor ap Glyn - Lleisiau'r Rhyfel Mawr. BBC Cymru. Adalwyd ar 25 Ionawr 2021.
  2. ↑  Ifor Wyn Williams. BBC Lleol. Adalwyd ar 25 Ionawr 2021.

Llyfryddiaeth

Eginyn erthygl sydd uchod am lenor neu awdur Cymreig. Gallwch helpu Wicipedia drwy ychwanegu ato.