An humanouriezh, pe denelouriezh, a zo ur savboent sevenadurel ha prederouriezhel europat, ganet en Italia, e Toskana peurgetket, da vare an Azginivelezh italian, hag a laka Mab-Den a-us d'an talvoudoù all.
Darn eus an humanourien a vremañ a wel an humanouriezh evel ul lusk deraouet en Henamzer, koulz en Azia evel en Europa. Konfusius a vefe unan eus ar brederourien gentañ en dije klasket lakaat an den e-kreiz e brederouriezh, hep ober anv eus doueoniezh. Heñvel dra a c'haller lavarout diwar-benn boudaegezh Azia.