Fleroviom | ||||
---|---|---|---|---|
Nihoniom – Fleroviom – Moskoviom | ||||
| ||||
Perzhioù hollek | ||||
Niver atomek | 114 | |||
Rummad kimiek | Metaloù paour | |||
Strollad | 14 | |||
Trovezh | 7 | |||
Bloc'h | p | |||
Tolz atomek | ||||
Aozadur elektronek | ||||
5f14 6d10 7s2 7p2 Dasparzh an elektronoù : 2, 8, 18, 32, 32, 18, 4 | ||||
Perzhioù atomek | ||||
Niver oksidadur | (stlenn ebet) | |||
Tredanleiegezh | (stlenn ebet) (Skeul Linus Pauling) | |||
Gremmoù ionadur | 1 : 824 kJ/mol 2 : (stlenn ebet) 3 : (stlenn ebet) | |||
Skin atomek | (stlenn ebet) | |||
Skin kenamsav | 143 pm | |||
Skin Van der Vaals | (stlenn ebet) | |||
Perzhioù fizikel | ||||
Arvez | Kaled (diouganet) | |||
Douester (≈20 °C) | 14,0 g/cm3 (brasjedet) | |||
Teuzverk | (stlenn ebet) | |||
Bervverk | (stlenn ebet) | |||
Tredanharzusted | (stlenn ebet) nΩ•m (e 20 °C) | |||
Un elfenn gimiek eo ar fleroviom ; Fl eo e arouez kimiek, 114 e niver atomek ha 289 e dolz atomek diouganet.
Ur metal paour eo hervez e niver atomek, evel 13Al, 31Ga, 49In, 50Sn, 81Tl, 82Pb, 83Bi ha 116Lv, hogen diwar an nebeud a ouzer a-zivout e berzhioù kimiek e c'halljed e lakaat e-touez ar gazoù nobl, a zo 2He, 10Ne, 18Ar, 36Kr, 54Xe ha 86Rn.
Un elfenn genaozet gant mab-den eo, n'er c'haver ket en natur. Skinoberiek eo ar fleroviom.
E 1998, Ensavadur Unvanet an Enklaskoù Nukleel (ruseg : Объединённый институт ядерных исследований, ОИЯИ) e Dubna a vombezennas plutoniom-244 (244Pu) gant ionennoù kalkiom-48 (48Ca) ; gounezet e voe un atom hepken eus izotop 289 an elfenn 114 (289114), a c'hanas rannoùigoù α gant un hanter-vuhez a 30 eilenn.
E miz Meurzh 1999, e Dubna adarre, e voe erlerc'hiet Pu-244 ouzh Pu-242 a-benn gounit izotopoù all ; daou atom eus an elfenn 114 a zeuas, hogen n'ouzer ket pe re ez-resis. E miz Even 1999 e voe adkaset an arnodenn, daou atom all eus an elfenn 114 a voe gounezet.
E miz Kerzu 2003 e voe kadarnaet dizoloadenn 289114 gant EUEN Dubna.
E miz Mae 2009 ez embannas an International Union of Pure and Applied Chemistry (IUPAC) un danevell a-zivout dizoloadenn ar c'hopernikiom 112Cn-283. Dre an dizoloadenn-se e voe anzavet hini an elfenn 114 neuze, pa'z eo hemañ an dazgwered a oa bet kaset da benn :
291 | Lv → α 10,74 MeV / 18 ms → | 287 | Fl → α 10,02 MeV / 480 ms → | 283 | Cn |
116 | 114 | 112 |
Kinnig a reas skipailh Dubna an anv flerovium en enor d'ar skiantour soviedel Georgyi Nikolayevitch Flerov (1913-1990) a oa bet unan eus dizoloerien ar skiriad emdarzhek ; asantet e voe gant an IUPAC.
Dianav eo perzhioù fizikel ha kimiek ar fleroviom, en abeg d'e hanter-vuhez re verr.
Er strollad 7 emañ 114Fl hervez e niver atomek, hogen arnodennoù bet kaset e Dubna hag e Suis e 2007 gant 287Fl war ur pal aour o deus diskouezet emzalc'hioù a vije re ur gaz nobl. Kement-se a c'halljer displegañ dre efedoù keñverel.
E Dubna ez eus bet arsellet izotopoù eus 114Fl o vezañ ganet diwar skinoberiegezh al livermoriom 116Lv hervez an daolenn-mañ :
116Lv | Izotop 114Fl arsellet |
---|---|
293Lv | 289Fl |
292Lv | 288Fl |
291Lv | 287Fl |
Bez' ez anavezer 7 izotop eus Fl, skinoberiek an holl anezho.
Izotop | % en natur | Hanter-vuhez | Dizoloadenn |
---|---|---|---|
289Fl | kevanaozet | 2,6 eilenn | 1999 |
288Fl | kevanaozet | 0,8 eilenn | 2002 |
287Fl | kevanaozet | 0,48 eilenn | 2002 |
286Fl | kevanaozet | 0,13 eilenn | 2002 |
285Fl | kevanaozet | 0,125 eilenn | 2010 |
Hini ebet.
Kimiezh | Elfennoù kimiek |
---|
Rolloù hervez an arouez ~ hervez an anv •
Taolenn beriodek |