Islam (Arab: al-islām, الإسلام "basarah diri lawan/gasan Tuhan") adalah agama nang ma'imani satu Tuhan, yaitu Allah. Lawan labih matan satu sahapat miliar ikung urang pangikut di sakuliling dunia , maulah Islam jadi agama Nang paling ganal kadua di dunia limbah agama karistin. Islam baisi arti "panyarahan", atawa panyarahan diri sabukuan gasan Tuhan (Arab: الله, Allāh). Pangikut ajaran Islam dipinandui lawan sambatan Muslim nang ba'arti "saurang nang tunduk lawan Tuhan", atawa labih langkapnya adalah Muslimin bagi lalakian wan Muslimat bagi bibinian. Islam ma'ajarakan bahwa Allah manurunakan firman-Nya kayah/wadah manusia malalui para nabi wan rasul utusan-Nya, wan mayakini bujur-bujur bahwa Muhammad adalah nabi wan rasul pa ampihan nang diutus ka dunia ulih Allah.