The Rolling Stones | |
---|---|
Асноўная інфармацыя | |
Жанры | рок-музыка, блюз-рок, псіхадэлічны рок, рытм-н-блюз, рок-н-рол і блюз |
Гады | 1962 — па гэты дзень |
Краіна | Вялікабрытанія |
Горад | Лондан |
Адкуль | Дартфард |
Мова песень | Англійская |
Лэйблы | Polydor Records, Columbia Records, Atlantic Records, Virgin Records, Warner Music Group, ABKCO Records, Rolling Stones Records, Decca Records, Interscope Records і London Recordings |
Кіраўнік | Andrew Loog Oldham, Glyn Johns і Patrick Stansfield |
Склад | |
Былыя ўдзельнікі |
Браян Джонс Ян Сцюарт Дзік Тэйлар Тоні Чэпмэн Біл Уайман Мік Тэйлар |
rollingstones.com (англ.) | |
Медыяфайлы на Вікісховішчы |
«The Rolling Stones» (Ролінг Стоўнз) — брытанскі рок-гурт. Адзін з найвялікшых гуртоў у гісторыі рок-музыкі.
Заснаваны ў 1962 у Лондане. Назва была абрана паводле песні Мадзі Уотэрса «Rollin' Stone». У першы склад уваходзілі вакаліст Мік Джагер, гітарысты К. Рычард і Б. Джонс, піяніст І. Сцюарт, пазней прыйшлі Б. Уаймен (бас-гітара), Ч. Уотс (ударныя). Дэбютавалі ў 1962, першы альбом пад назвай «Rolling Stones» выйшаў у 1964. У другой палове 1960-х гг. гурт атрымаў міжнароднае прызнанне; росквіт майстэрства прыйшоўся на 1970-я. У пачатку 1990-х гг. музыканты групы, якія даўно сталі культавымі фігурамі, зрабілі беспрэцэдэнтнае турнэ за ўсю гісторыю існавання рок-музыкі. У першыя гады існавання ў рэпертуары пераважалі творы рок-н-рола, песні дуэта Джагер-Рычардс, а з канца 1960-х — толькі ўласныя песні.
Выконваюць рознастылёвыя песні — ад кантры да блюза. Музыка «The Rolling Stones» вызначаецца арыгінальнасцю гучання, моцнай энергетыкай, насычанай эмацыянальнасцю, бунтарскімі паводзінамі і тэкстамі песень, гарманічным зліццём непаўторнага голасу Джагера і запамінальных гіпнатычных рытмаў. Група з’яўляецца лідарам сярод рок-музыкантаў па колькасці «залатых», «плацінавых» і «мультыплацінавых» альбомаў.
Гурт выдаў 22 студыйныя альбомы ў Вялікабрытаніі (24 у ЗША) і працягвае дзейнасць да цяперашняга часу.