2021

Тысячагоддзе:	3 тысячагоддзе
Стагоддзі:	XX стагоддзе XXI стагоддзе XXII стагоддзе
Дзесяцігоддзі:	2000-я 2010-я 2020-я 2030-я 2040-я
Гады:	2018 2019 2020 2021 2022 2023 2024

2021 год паводле тэм:

З’явіліся  · Зніклі  · Нарадзіліся  · Памерлі

Культура і мастацтва

Навука і тэхналогія

Палітыка

Спорт

2021 — невысакосны год, пачынаецца ў пятніцу.

Падзеі

Студзень

• 1 студзеня
  • Вялікабрытанія афіцыйна выйшла са складу ЕС.
  • Куба адмовілася ад двухвалютнай сістэмы, да гэтага ў краіне 27 гадоў былі дзве валюты: кубінскае канверсоўнае песа (CUC) і кубінскае песа (CUP), апошняя і стала адзінай валютай.
  • У буйных гарадах Кітая забаранілі выкарыстоўваць пластыкавыя пакеты ў крамах.
• 3 студзеня: У дзень 75-годдзя Мітрапаліта Мінска-Магілёўскага Тадэвуша Кандрусевіча Папа Рымскі Францыск прыняў яго адстаўку.
• 4 студзеня:
  • У Беларусі зацверджана абноўленая выява дзяржаўнага герба.
  • Колькасць афіцыйна зарэгістраваных беларусаў з COVID-19 перавысіла 200 тысяч.
• 6 студзеня: У ЗША каля Капітолія, дзе знаходзіцца кангрэс, сабраліся прыхільнікі Дональда Трампа. Яны пратэставалі супраць вынікаў прэзідэнцкіх выбараў. На пратэсты сабралася каля 10 тысяч чалавек.
• 7 студзеня: Курс Bitcoin упершыню вырас да 40 тысяч долараў ЗША.
• 9 студзеня: Здарылася катастрофа Boeing 737 ля Джакарты (Інданезія).
• 13 студзеня: Палата прадстаўнікоў ЗША большасцю галасоў падтрымала ініцыятыву імпічмента прэзідэнта Дональда Трампа.
• 17 студзеня:
  • У Расіі затрыманы апазіцыйны палітык Аляксей Навальны, які вяртаўся на радзіму з Германіі.
  • На Беларусі ў дзікай прыродзе ўпершыню назіралі качку-каралінку.
• 18 студзеня:
  • Мінск пазбаўлены права прымаць Чэмпіянат свету па хакеі з шайбай 2021.
  • У Малі распушчаны Нацыянальны камітэт выратавання народа.
• 20 студзеня: Інаўгурацыя 46-га Прэзідэнта ЗША Джо Байдэна.
• 21 студзеня: Прэм’ер-міністр Манголіі Ухнаагійн Хурэлсух падаў у адстаўку.
• 22 студзеня: Мінск пазбаўлены права прымаць Чэмпіянат свету па сучасным пяцібор’і 2021.
• 23 студзеня: Масавыя пратэсты ў Расіі з прычыны арышту палітыка Аляксея Навальнага і яго заявы аб карупцыі ў адрас прэзідэнта Уладзіміра Пуціна.
• 26 студзеня: Кая Калас заступіла на пасаду прэм’ер-міністра Эстоніі.

Люты

• 1 лютага: У М’янме пад пачаткам генерала Мін Аўн Хлайна здзейснены ваенны пераварот, падчас чаго зрынуты прэзідэнт Він М’ін.
• 3 лютага: Прэзідэнт Украіны Уладзімір Зяленскі падпісаў указ аб закрыцці апазіцыйных тэлеканалаў ZIK, NewsOne і «112 Украина».
• 5 лютага: Бакі лівійскага канфлікту зацвердзілі аб’яднаны часовы ўрад на чале з Мухамедам Юнісам Манфі, які будзе дзейнічаць да правядзення ўсеагульных выбараў у Лівіі.
• 14 лютага: На выбарах у Каталоніі кааліцыя незалежніцкіх партый упершыню набрала больш за 50% галасоў.
• 18 лютага: Журналістак «Белсату» Кацярыну Андрэеву і Дар’ю Чульцову пакаралі 2 гадамі турмы за стрым з «плошчы Перамен».
• 19 лютага: Курс Bitcoin упершыню вырас да 55 000 долараў ЗША.
• 21 лютага:
  • Сербскі тэнісіст Новак Джокавіч у дзявяты раз перамог у адзіночным разрадзе ў Адкрытым чэмпіянаце Аўстраліі.
  • На ўсеагульных выбарах у Нігеры перамогу атрымлівае Махамед Базум з Партыяй за дэмакратыю і сацыялізм Нігера.
• 22 лютага: У Дэмакратычнай Рэспубліцы Конга невядомымі быў забіты італьянскі пасол Лука Атанасіа.
• 25 лютага: У Арменіі пачаўся палітычны крызіс вакол канфлікту паміж Узброенымі сіламі і прэм’ер-міністрам Ніколам Пашынянам.

Сакавік

• 3 сакавіка:
  • У М’янме пры разгонах пратэстаў забілі 38 чалавек, у тым ліку дзяцей.
  • Лік прадпрыемстваў Беларускага парку высокіх тэхналогіяў перасягнуў 1000.
• 4 сакавіка: Трэці запуск Starship Ілана Маска скончыўся выбухам праз 10 хвілін пасля пасадкі.
• 8 сакавіка: Міжнародны алімпійскі камітэт паведаміў аб падаўжэнні санкцый у дачыненні да НАК Беларусі.
• 10 сакавіка: пракуратура Брэста ўзбудзіла крымінальную справу па факце гераізацыі ваенных злачынцаў, у тым ліку Рамуальда Райса.
• 11 сакавіка: Віктар Гулевіч прызначаны начальнікам Генеральнага штаба Узброеных Сіл Рэспублікі Беларусь, змяніўшы на гэтай пасадзе Аляксандра Вальфовіча.
• 13 сакавіка: Курс біткойна ўпершыню перавысіў 60 000 долараў ЗША.
• 18 сакавіка: Пасля смерці Джона Магуфулі новым прэзідэнтам Танзаніі стала Самія Сулуху.
• 19 сакавіка: У Ісландыі пачалося вывяржэнне вулкана Фаградалсф’яль.
• 21 сакавіка: Набліжэнне да Зямлі астэроіда (231937) 2001 FO₃₂.
• 23 сакавіка: З-за аварыі кантэйнеравоза заблакаваны рух у Суэцкім канале.
• 25 сакавіка: Генеральная пракуратура Беларусі паведаміла, што распачала крымінальную справу ў дачыненні да старшыні Саюза палякаў Анжалікі Борыс і іншых асоб за распальванне варожасці.
• 26 сакавіка: Упершыню за 15 гадоў удзелу Беларусі ў конкурсе «Еўрабачанне» краіна дыскваліфікавана па рашэнні Еўрапейскага вяшчальнага саюза з-за палітычнага падтэксту ў песні.
• 30 сакавіка: Зборная Беларусі па футболе пацярпела самае буйное паражэнне, прайграўшы ў Лёвене зборнай Бельгіі з лікам 0:8.

Красавік

• 2 красавіка: На Тайвані сышоў з рэек і пацярпеў крушэнне пасажырскі цягнік, загінуў 51 чалавек.
• 10 красавіка: Артур Клінаў за кнігу «Локісаў» названы лаўрэатам літаратурнай прэміі «Гліняны Вялес».
• 12 красавіка: Затрыманы Аляксандр Фядута, Юрась Зянковіч і Рыгор Кастусёў, з’явілася справа аб спробе перавароту ў Беларусі.
• 14 красавіка: Старшынёй Канферэнцыі Каталіцкіх Біскупаў у Беларусі абраны Алег Буткевіч.
• 15 красавіка: Суд у Парыжы завочна прысудзіў да пажыццёвага зняволення беларуса Юрыя Сушкіна і івуарыйцаў Патрыса Уея і Анжэлу Маглуара Гнандуе Атуалі за забойства французскіх вайскоўцаў у Кот-д’Івуары.
• 16 красавіка: Рауль Кастра сышоў з пасады кіраўніка Камуністычнай партыі Кубы.
• 20 красавіка: У Чадзе падчас баявых дзеянняў загінуў прэзідэнт краіны Ідрыс Дэбі, пасля чаго ўлада перайшла да ваеннай хунты на чале з яго сынам Махаматам Дэбі Ітна.
• 24 красавіка: У выніку выбуха ў багдадскай бальніцы Ібн аль-Хатыб загінулі 82 чалавека.
• 25 красавіка: Адбылася 93-я цырымонія ўручэння ўзнагарод прэміі «Оскар». Галоўную ўзнагароду атрымаў фільм «Зямля качэўнікаў» рэжысёркі Хлоі Чжаа.
• 28 красавіка: На мяжы Кіргізіі і Таджыкістана пачаліся ўзброеныя сутыкненні.
• 30 красавіка: Суд Брэста прысудзіў ад 5,5 да 6,5 гадоў зняволення 14 асобам, якія праходзілі па «Пінскай справе».

Май

• 1 мая: Для вырашэння ваеннага канфлікту ўлады Кыргызстана і Таджыкістана абвясцілі аб спыненні агню, адводзе войск і пачатку работ аб удакладненні агульнай мяжы.
• 3 мая: Марк Сэлбі выйграў чацвёрты тытул чэмпіёна свету па снукеры.
• 6 мая:
  • Адбылося ўрачыстае адкрыццё адноўленай Паўночнай вежы Гальшанскага замка.
  • Пачынаецца ізраільска-палесцінскі крызіс.
• 11 мая:
  • У ходзе масавага забойства ў 175-й гімназіі горада Казань (Расія) былі забіты дзевяць чалавек.
  • Здарыўся пажар у касцёле Унебаўзяцця Найсвяцейшай Дзевы Марыі ў Будславе.
• 15 мая: Модуль кітайскага касмічнага зонда «Цяньвэнь-1» высадзіўся на Марсе.
• 18 мая: У дачыненні да службовых асоб TUT.BY распачата крымінальная справа, сайт заблакаваны.
• 19 мая: Здарылася катастрофа Як-130 у Баранавічах.
• 21 мая: У зоне ізраільска-палесцінскага канфлікту ўступіў у сілу дагавор аб спыненні агню.
• 22 мая: Пераможцам конкурса «Еўрабачанне» стаў італьянскі гурт «Måneskin» з песняй «Zitti e buoni».
• 23 мая:
  • З прымушанага да пасадкі ў Мінску борта Ryanair 4978 зняты апазіцыйны беларускі журналіст Раман Пратасевіч.
  • Фінал Кубка Беларусі па футболе адбыўся ў Гомелі, перамогу атрымаў ФК БАТЭ.
• 24 мая: У Малі адбыўся ваенны пераварот, часовы ўрад Ба Ндау скінуты палкоўнікам Асімі Гаіта.
• 25 мая: Суд над шэрагам палітычных актывістаў у Беларусі прысудзіў па сем гадоў зняволення Паўлу Севярынцу, Андрэю Войнічу і Яўгену Афнагелю.
• 26 мая: Прайшлі прэзідэнцкія выбары ў Сірыі.
• 27 мая: Мінск пазбаўлены права прымаць Чэмпіянат Еўропы па веласпорце на трэку 2021.
• 31 мая: Зборнік вершаў Алесі Башарымавай «Расамаха» названы найлепшай паэтычнай кнігай на беларускай мове 2020 года.

Чэрвень

• 4 чэрвеня:
  • Лаўрэатам Міжнароднай Букераўскай прэміі стаў французскі пісьменнік Давід Дыоп за раман «Уначы ўся кроў — чорная».
  • Невядомыя здзейснілі масавае забойства ў вёсках Салхан і Тадар’ят у Буркіна-Фасо.
• 6 чэрвеня: У Рызе завяршыўся Чэмпіянат свету па хакеі з шайбай, перамогу ў фінале атрымала зборная Канады.
• 7 чэрвеня: Здарылася сутыкненне пасажырскіх цягнікоў у Пакістане.
• 8 чэрвеня: Суд ААН у Гаазе адхіліў апеляцыю, пацвердзіўшы пажыццёвы прысуд Ратка Младзічу.
• 10 чэрвеня: Назіралася кольцападобнае сонечнае зацьменне, максімум якога назіраўся на крайняй Поўначы.
• 13 чэрвеня:
  • Прэм’ер-міністрам Ізраіля абраны Нафталі Бенет.
  • У Каіры завяршыўся Чэмпіянат свету па сучасным пяцібор’і.
• 16 чэрвеня: Адбыўся саміт Расія — ЗША ў Жэневе.
• 18 чэрвеня:
  • Амерыканскі лёгкаатлет Раян Краўзер усталяваў новы сусветны рэкорд у штурханні ядра.
  • Прэзідэнцкія выбары ў Іране.
• 19 чэрвеня: Здарылася катастрофа L-410 у Кемераўскай вобласці Расіі.
• 22 чэрвеня: ВПС Эфіопіі падчас Тыграйскага канфлікту нанеслі авіяўдар па Тагозе, які прывёў да гібелі 64 мірных жыхароў.
• 24 чэрвеня: ЕС увеў чацвёрты пакет санкцый у дачыненні да асоб і прадпрыемстваў, адказных за рэпрэсіі ў Беларусі.
• 28 чэрвеня: Беларусь заявіла аб прыпыненні ўдзелу ў ініцыятыве «Усходняе партнёрства».
• 30 чэрвеня: Белтэлерадыёкампанія выключана з Еўрапейскага вяшчальнага саюза.

Ліпень

• 2 ліпеня: Будслаўскі фэст распачаўся на адкрытым паветры — вернікі не маюць магчымасць зайсці ў пашкоджаны пажарам касцёл.
• 6 ліпеня: Віктара Бабарыку, кандыдата на леташніх прэзідэнцкіх выбарах у Беларусі прысудзілі да чатырнаццаці гадоў зняволення.
• 7 ліпеня: Прэзідэнт Гаіці Жавенель Маіз загінуў у выніку нападу на яго рэзідэнцыю.
• 8 ліпеня: Беларускія ўлады заблакавалі сайт «Нашай Нівы», адбыліся ператрусы, допыты і затрыманні супрацоўнікаў.
• 11 ліпеня:
  • Пачаліся пратэсты на Кубе.
  • У фінале Чэмпіянату Еўропы па футболе на стадыёне «Уэмблі» ў Лондане зборная Італіі перамагла каманду Англіі.
• 12 ліпеня: Паводкі ў Еўропе.
• 17 ліпеня: Завяршыўся 74-ы Канскі кінафестываль.
• 19 ліпеня: Святлана Ціханоўская ў час візіту ў ЗША правяла перамовы з дзяржаўным сакратаром Энтані Блінкенам.
• 21 ліпеня: Ліверпульскі порт выключаны са спісу Сусветнай спадчыны ЮНЕСКА.
• 23 ліпеня: Урачыста адкрыліся гульні XXXII Алімпіяды ў Токіа.
• 27 ліпеня: Інфармацыйныя рэсурсы «Белсат» прызнаны ў Беларусі экстрэмісцкімі.
• 28 ліпеня:
  • Святлана Ціханоўская сустрэлася ў Белым доме з Прэзідэнтам ЗША Джо Байдэнам.
  • Лясныя пажары ў Турцыі.
• 31 ліпеня: Ямайская лёгкаатлетка Элейн Томпсан усталявала алімпійскі рэкорд у бегу на 100 метраў.

Жнівень

• 2 жніўня: Прэм’ер-міністрам Арменіі назначаны Нікол Пашынян.
• 5 жніўня: Беларуская лёгкаатлетка Крысціна Ціманоўская, адхіленая ад удзелу ў Алімпійскіх гульнях, прыбыла па гуманітарнай візе ў Варшаву.
• 6 жніўня: Парламент Малдовы зацвердзіў праграму і склад урада Наталлі Гаўрыліцы.
• 8 жніўня: Цырымонія закрыцця гульняў XXXII Алімпіяды ў Токіа.
• 14 жніўня: Арцыбіскуп Тадэвуш Кандрусевіч здзейсніў пасвячэнне новазбудаванага касцёла Спаслання Святога Духа ў Барысаве.
• 15 жніўня: Пасля захопу Кабула сіламі Талібану прэзідэнт Афганістана Ашраф Гані склаў паўнамоцтвы.
• 16 жніўня: Палітвязень Сцяпан Латыпаў прысуджаны да васьмі з паловай год пазбаўлення свабоды.
• 24 жніўня
  • У Токіа ўрачыста адкрыліся XVI Паралімпійскія летнія гульні.
  • Хакаіндэ Хічылема заступіў на пасаду Прэзідэнта Замбіі.
• 26 жніўня: Здзейснены тэракт у аэрапорце Кабула.
• 27 жніўня: Афіцыйна ўведзены ў эксплуатацыю Петрыкаўскі горна-абагачальны комплекс ААТ «Беларуськалій».
• 29 жніўня: Ураган Іда абрынуўся на тэрыторыю ЗША.
• 31 жніўня: ЗША завяршылі вывад войск з Афганістана.

Верасень

• 2 верасня: Надзвычайнае становішча ўведзена на частцы тэрыторыі Рэспублікі Польшча, яно ахапіла шэраг мясцовасцей у Падляскім і Люблінскім ваяводствах.
• 5 верасня:
  • У Токіа завяршыліся XVI Паралімпійскія летнія гульні.
  • Ваенны пераварот у Гвінеі.
• 6 верасня:
  • Кіраўніцу штаба Віктара Бабарыкі на мінулых прэзідэнцкіх выбарах у Беларусі Марыю Калеснікаву прысудзілі да 11 гадоў, юрыста Максіма Знака: да 10 гадоў пазбаўлення волі.
  • Зборная Італіі па футболе ўсталявала сусветны рэкорд па матчах без паражэнняў — 36 гульняў запар.
• 11 верасня:
  • Брытанская тэнісістка Эма Радукану стала пераможцай Адкрытага чэмпіянату ЗША, будучы 150-й ракеткай свету.
  • Польскі футбаліст Роберт Левандоўскі забіў за «Баварыю» ў 17-м матчы запар і ўсталяваў новы рэкорд для гульцоў нямецкіх клубаў.
  • Завяршыўся 78-ы Венецыянскі кінафестываль, «Залатога льва» атрымаў фільм «Падзея» рэжысёркі Одры Дзіван.
• 14 верасня: арцыбіскупам Мітрапалітам Мінска-Магілёўскім прызначаны Юзаф Станеўскі.
• 16 верасня: упершыню стартавала пілатуемая касмічная місія без прафесійнага астранаўта ў экіпажы.
• 17 верасня: Іран прыняты ў склад паўнапраўных членаў Шанхайскай арганізацыі супрацоўніцтва.
• 19 верасня: прайшлі парламенцкія выбары ў Расіі.
• 20 верасня: Масавае забойства ў Пермскім дзяржаўным універсітэце.
• 21 верасня: у Судане прыхільнікамі экс-прэзідэнта Амара аль-Башыра ажыццёўлена спроба дзяржаўнага перавароту.
• 22 верасня: PandaDoc стала першай прыватнай кампаніяй, заснаванай беларусамі, ацэнка якой дасягнула мільярда долараў ЗША.
• 25 верасня: украіскі баксёр Аляксандр Усік стаў чэмпіёнам свету сярод прафесіяналаў адразу ў двух вагавых катэгорыях.
• 26 верасня: адбыліся парламенцкія выбары ў Германіі.
• 28 верасня: у Мінску здарылася перастрэлка, у выніку якой загінулі дзве асобы.

Кастрычнік

• 1 кастрычніка: У Грузіі затрымалі былога прэзідэнта краіны Міхаіла Саакашвілі.
• 3 кастрычніка: Названыя лаўрэаты прэміі Міжнароднага кангрэса даследчыкаў Беларусі.
• 3 кастрычніка: Center for Public Integrity апублікаваў скандальнае расследаванне пад назвай «Паперы Пандоры», у якім раскрываюцца махінацыі палітыкаў з маёмасцю.
• 4 кастрычніка: Прэм’ер-міністрам Японіі абраны Фуміа Кісіда.
• 4 кастрычніка: Адбыўся маштабны збой у працы Facebook, Instagram і іншых буйных сацыяльных сетак.
• 6 кастрычніка: Бенджамін Ліст і Дэвід Мак-Мілан названы лаўрэатамі Нобелеўскай прэміі па хіміі.
• 7 кастрычніка: Лаўрэатам Нобелеўскай прэміі па літаратуры стаў англійскі пісьменнік танзанійскага паходжання Абдулразак Гурна.
• 8 кастрычніка: Лаўрэатамі Нобелеўскай прэміі міру сталі журналісты Марыя Рэса і Дзмітрый Муратаў.
• 9 кастрычніка: Канцлер Аўстрыі Себасцьян Курц сыходзіць у адстаўку на фоне расследавання пракуратуры супраць яго.
• 10 кастрычніка: Катастрофа L-410 пад Мянзелінскам.
• 14 кастрычніка: Лаўрэатамі Прэміі Цёткі абвешчаны Вольга Гапеева і Валерый Славук.
• 20 кастрычніка: Расійскі палітык Аляксей Навальны стаў лаўрэатам прэміі імя Андрэя Сахарава.
• 21 кастрычніка: Парламент Барбадоса ўпершыню выбраў прэзідэнта краіны.
• 23 кастрычніка: У кафедральным касцёле Найсвяцейшага Імя Марыі ў Мінску адбылася цырымонія ўступлення арцыбіскупа Юзафа Станеўскага на пасаду Мітрапаліта Мінска-Магілёўскай архідыяцэзіі.
• 25 кастрычніка: Здзейснены ваенны пераварот у Судане.
• 28 кастрычніка: Абвешчаны імёны пераможцаў прэміі імя Карласа Шэрмана за найлепшы пераклад мастацкай кнігі на беларускую мову.

Лістапад

• 3 лістапада: Здарылася крушэнне транспартнага самалёта беларускай авіякампаніі «Гродна» пад Іркуцкам у Расіі.
• 4 лістапада: Букераўская прэмія прысуджана паўднёваафрыканскаму пісьменніку Дэйману Гэлгуту.
• 5 лістапада: Выбух бензавоза ў Фрытаўне прывёў да чалавечых ахвяр.
• 6 лістапада: Пасля рэстаўрацыі адкрываецца доступ для наведнікаў у музейныя залы Старога замка ў Гродне.
• 8 лістапада:
  • Вярхоўны Суд Рэспублікі Беларусь прыняў рашэнне аб ліквідацыі Таварыства беларускай мовы імя Францішка Скарыны.
  • Спецслужбы Польшчы заявілі аб найбуйнейшай спробе ўварвання ў краіну ў ходзе міграцыйнага крызісу на мяжы з Беларуссю.
• 15 лістапада: Названы лаўрэаты прэміі імя Францішка Аляхновіча за творы, напісаныя ў зняволенні.
• 19 лістапада: Вярхоўны суд Беларусі пазбавіў рэгістрацыі рух «За свабоду».
• 24 лістапада:
  • Магдалена Андэрсан Стала першай жанчынай, якая заняла пасаду прэм’ер-міністра Швецыі.
  • Загінулым у авіякатастрофе ў Баранавічах лётчыкам Андрэю Нічыпарчыку і Мікіту Куканенку прысвоена званне Героя Беларусі.
• 24 лістапада: Прэміяй Ежы Гедройца за найлепшую кнігу прозы на беларускай мове ўганараваная Ева Вежнавец за кнігу «Па што ідзеш, воўча?».
• 28 лістапада: Завяршыўся Чэмпіянат Беларусі па футболе ў Вышэйшай лізе, перамогу атрымаў «Шахцёр» (Салігорск).

Снежань

• 4 снежня: Поўнае сонечнае зацьменне бачнае па тэрыторыі Антарктыды.
• 5 снежня: Здзейснены ваенны пераварот у Гвінеі.
• 8 снежня: Олаф Шольц прыняў прысягу на пасадзе Федэральнага канцлера Германіі.
• 9 снежня: ЗША завяршаюць вывад войск з Ірака.
• 10 снежня: Нарвежскі гросмайстар Магнус Карлсен абараніў званне чэмпіёна свету па шахматах.
• 11 снежня: Цырымонія прысуджэння Еўрапейскай кінапрэміі адбылася ў Берліне, найлепшым фільмам названа карціна «Куды ты ідзеш, Аіда?» рэжысёркі Ясмілы Жбаніч.
• 13 снежня: Лідзія Ярмошына пакінула пасаду старшыні Цэнтрвыбаркама Беларусі, яе змяніў Ігар Карпенка.
• 14 снежня:
  • Беларускага блогера і палітыка Сяргея Ціханоўскага прысудзілі да васямнаццаці год зняволення, абвінаваўчыя прысуды вынесены Арцёму Сакаву, Дзмітрыю Папову, Мікалаю Статкевічу, Ігару Лосіку, Уладзіміру Цыгановічу.
  • EPAM Systems стала першай кампаній, створанай беларусамі, чые акцыі былі ўключаны ў фондавы індэкс S&P 500.
• 16 снежня: Тайфун Раі абрынуўся на Філіпіны, дзе выклікаў разбурэнні і чалавечыя ахвяры.
• 23 снежня: «Цмокі-Мінск» у трынаццаты раз запар выйгралі Кубак Беларусі па баскетболе.
• 25 снежня: З касмадрома Куру запушчана арбітальная інфрачырвоная абсерваторыя «Джэймс Уэб».
• 29 снежня:
  • Расійскія суды вынеслі рашэнне аб ліквідацыі міжнароднага таварыства і праваабарончага цэнтра «Мемарыял».
  • Заснаваны Патрыяршы экзархат Афрыкі Рускай праваслаўнай царквы.
• 30 снежня:
  • У Мінску абвешчаны прысуд фігурантам «Цукровай справы».
  • На вакзале станцыі Калінкавічы адбылася цырымонія адкрыцця электрыфікаванага ўчастка чыгункі, які звязаў Калінкавічы, Светлагорск і Жлобін.

Нарадзіліся

Памерлі

• 12 студзеня: Філарэт (Вахрамееў), праваслаўны царкоўны дзеяч Беларусі, Мітрапаліт Мінскі і Слуцкі (1978—2013), першы Патрыяршы Экзарх усяе Беларусі.
• 23 студзеня: Лары Кінг, амерыканскі тэлежурналіст.
• 9 красавіка: Філіп, брытанскі прынц, муж каралевы Елізаветы II.
• 28 лістапада: Аляксандр Градскі, расійскі спявак.

Зноскі

Спасылкі

	2021 на Вікісховішчы