Цепелин
Цепелин, або воздухоплав, од имени конштруктера (гроф Ferdinand von Zeppelin, 1838–1917) — моторовый лѣтаючый апарат, легшый од воздуха, во формѣ цигаровитого балона, котрый мать можность рядженого руха, независимого од воздушных потокох.
История
Первый успѣшный лет реализовав Француз Анри Жиффар (Henri Giffard) 24. септембра 1852 в Парижу. Его воздухоплав мав 44 м довгый мягкый корпус, наповненый гидрогеном, мотор вагов 160 кг и выконом 3 коньскы силы, а пролетѣв 30 км зоз скоростьов 10 км/год.
Еднов з найуспѣшнѣйшых конштрукций была тверда скелетова од грофа Цепелина (1900), котра ся выробляла сериово и мала комерчне выхоснованя, По даколькох выбухох и пожарах цепелины перестали наповньовати гидрогеном, замѣнивши го на гелий, котрый не горить. Цепелины были хоснованы в обох свѣтовых войнах.
Днешность
Про дакотры шпецифичны улогы цепелины суть хоснованы и нынѣ, в тому числѣ ай безпилотны: они годны лѣтати на вышках 20–25 тыс. м, на одстояня около 22 тыс. км, поднимати 500–1000 тон, ани не потребують летиска.
Жерела и одказы
- Рыжов Ю. А. ДИРИЖАБЛЬ // Большая российская энциклопедия. Том 9. Москва, 2007, стр. 50–51. Редакция: 2017. Одчитане: 13.08.2020русс.
- Airship. Encyclopædia Britannica. December 13, 2018. https://www.britannica.com/technology/airship. .англ.
