Йугьан Круифф | |||||||||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Гье́ндрик Йугьаннес Круифф | |||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||
Малумат | |||||||||||||||||||||||||||||||||||||||||||||||||||||||
Тамам тӀвар | Гье́ндрик Йугьаннес Круифф | ||||||||||||||||||||||||||||||||||||||||||||||||||||||
ЛакӀабар | Кронпринц, Бутсарда Пифагор, El Salvador (Хилас ийидайди), Лув гудай голландец | ||||||||||||||||||||||||||||||||||||||||||||||||||||||
Дидедиз хьайи чӀав |
1947 йисан 25 апрель Амстердам, Нидерландар |
||||||||||||||||||||||||||||||||||||||||||||||||||||||
Кьиникьин чӀав |
2016 йисан 24 март (68 йис.) Барселона, Испания |
||||||||||||||||||||||||||||||||||||||||||||||||||||||
Гьукумат | Нидерландар | ||||||||||||||||||||||||||||||||||||||||||||||||||||||
Буй | 178 см см | ||||||||||||||||||||||||||||||||||||||||||||||||||||||
Позиция | зур хуьдайди, гьужумдайди | ||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||
Халкьарин арадин медалар | |||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||
Викигьамбарда авай шикилар |
Йугьан Круифф (нид. Hendrik Johannes (Johan) Cruijff) (25 апрель 1947, Амстердам — 24 март 2016, Барселона) — экъисай нидерландрин футболхъанни тренер, Нидерландрин, «Аяксдинни» «Барселонадин» къугъвадайдини вердишардайди я. Вири вичин карьерадин къене ада 752 матч къугъвана, 425 гол ягъна. Пудра Къизилдин туп къачуна, пудра къугъвадайди яз ва садра вердишардайди хьиз Чемпионрин Лига гъалибна. Гегьеншдаказ XX виш йисан квайни квай къугъвадайбурукай сад яз гьисбазавайди.
Йохан Кройфди къугъвадайвилени тренервиле кӀеретӀдиз авур лайихвилиз килигайвал 2010 йисан 26 ибнедиз ам «Барселона» ФК-дин гьуьрмет патал хкягънавай президент яз малумарна. Клубдин цӀийи президент Сандро Розелди вахтуналди яз ам гьа къуллугъдалай алудна, вучиз лагьайтӀа клубдин къанунрин кӀватӀалда ахьтин къуллугъдикай кхьенвач.
2016-лагьай йисан 24-лагьай ибнедиз 68 йиса аваз Йохан Кройф тухулрин ракдин гъиляй рагьметдиз фенва.
Ам Cruyff Classics тӀвар алай кӀвачел алукӀдайбур акъуддай брендин иесийрикай сад тир.
Гьендрик Йугьаннес Круифф 1947-лагьай йисан 25-лагьай навадиз Амстердам шегьердин Линнаустрат куьчедал алай дявединди тушир азарханада дидедиз хьана. Ам Германуьс Корнелис Круиффдин ва адан паб Петрунелла Бернарда Драйердин рухва тир, вичин тӀвар ада дидедин бубадин гьуьрметдай къачуна. Адан буба-диде Йурдан райондай тир, дяве акьалтӀайдалай кьулухъ абур «Cruijffs Aardappelenhandel» тӀвар алай салан мейвайрин туьквенда яшамишизни кӀвалахиз авай тир. Аял тир чӀав Йугьана шегьердин рагъэкъечӀдай пата авай Бетундруп райондин Аккерстрат куьчедал, «Де Мер» стадиондин патав тухвана. Вичин чӀехи тахай стха Гьеннидихъ галаз (ам Йугьанан дахдиз садлагьай паб-гъуьле хьанвай гада я) куьчедал пара футбол къугъвана. Ахпа абуру «Аяксдин» жегьилрин кӀеретӀда санал къугъвана.
Круифф нидерландрин футболдин ва виридан (тотал тир) футболдин чан алай шикил хьана. И къайдада садлагьай сеферда къугъванвайбур 70-лагьай йисаррин Круиффдин «Аякс» ва Нидерландрин кӀеретӀ тир. «Аяксдихъ» галаз сад-садан гуьгъуьна аваз пудра Чемпионрин кубок ва муьжуьд сеферда Нидерландрин чемпионат гъалибна. 1973-лагьай йисуз ам «Барселонадиз» хъфена. Ам гьа чӀаван рекорд тир трансфер тир — гьадахъ 922 агъ. £ гана. Са йисалай ада дуьньядин чемпионатда миллетдин кӀеретӀ финалдиз акъудна, амма гьа къугъуна абур Германиядин кӀаник акатна (1:2). Къведай циклда Круиффди нидерландвийриз хкягъунин дережа алудиз куьмек гана. Амма Нидерландрин Королвилин футболдин галкӀдихъ галаз финансрин месэлайрал меслят тахьана, ада лап «аргентинадин» дуьньядин чемпионатдин вилик халкьарин арада авай карьера акъвазиз кьетӀъ авуна.
Къугъвадайдан карьера акьалтӀайдалай кьулухъ адан тренервиле кӀвалахиз гатӀумна. 1989-1996-лагьай йисарин арада адан регьбервилик кваз каталуниядин «Барселонади» кьудра Испаниядин чемпионат (1991—1994), Европадин Чемпионрин кубок (1992) ва Кубокрин кубок (1989) гъалибна. 2003-лагьай йисуз УЕФА-дин 50 йис тамам хьуниз килигна тухванвай хабар кьунин нетижайрив кьурвал, ам Нидерландрин яхцӀурни цӀуд йисан квайни квай къугъвадайди яз тестикьарна<. Спорт вилик ракъуруник кутур чӀехи метлеб авай къуватриз килигна 2006-лагьай йисуз адаз «Лауреус» премия гана. 2007-лагьа йисан 18-лагьай навадиз, пуд къад йис тамам жедалди са куьлуь вахт амаз, «14» нумра алай футболка гьадан тӀварунихъ хуьнуькай «Аяксди» кьетӀъ кьабулна.
Круифф акьалтӀай кӀеви пӀапӀрус чӀугвадай кас тир, 2015-лагьай йисан баскӀум вацраз адак тухулрин рак кваз акуна. 2016-лагьай йисан 24-лагьай ибнедиз тӀалдихъ галаз тухванвай женгинин гуьгъуьнлай Йугьан Круифф Барселонада хизандин арада аваз рагьметдиз фенва.
Зун кӀили амачиз амукьна, дуьнья чӀехи футболхъан амачиз амукьна, зун адал гьейран тир, ам кьетӀен къугъвадайди тир, ам вири чӀаварин квайни квай къугъвадайди тир
Футбол къугъун иер хьун патал вири тарихда виридалайни пара авур кас амачиз амукьна
Йугьан Круифф — къешенг къугъвдадайди тир, дуьньядиз акур къугъвадайбурукай виридалайни чӀехибурукай сад тирди. Круифф элегант къугъунин лишан тир. Адан ашкъилувал тир. Фанриз чӀехи шадвал гъидай чешме тир. Ада вичин тӀвар футболдин тарихда гьамишалиг кхьена туна
Аякс: