Yet kap | terrorism in the United States |
---|---|
A̱byin | Muná̱pyia̱ Sí̱tet Amerika |
Shyia̱ di̱ fam jen | Eastern Time Zone |
A̱vwuo | Arlington County, Manhattan, Shanksville |
Yet a̱ci̱t | 1993 World Trade Center bombing |
A̱tsak jen | 11 Zwat A̱kubunyiung 2001 |
Organizer | Sa̱udi A̱rabya |
Immediate cause of | War on Terror |
Hashtag | September11, September11th, NeverForget, NeverForget911, 911Attack |
Fa | World Trade Center, The Pentagon, United States Capitol, White House |
Perpetrator | Al-Qaeda |
Á̱ka̱tuk nyia̱ 11 Zwat A̱kubunyiung 2001 wu á̱ ka ngyei 9/11 ma̱ tai a̱ni, ku yet á̱ka̱tuk nyia̱ a̱naai wa nang sot á̱niet ji̱ tyei á̱ghyang á̱niet a̱wun mi̱ vam nang á̱ ngyei al-Qaeda a̱ni ku khwom á̱ sak ji̱ si̱ kin doot ma̱ng á̱niet Muná̱pyia̱ Sí̱tet ba ndyo a̱ni. Ma̱ a̱tsotson A̱tuk Ta̱lata, 11 Zwat A̱kubunyiung 2001, á̱niet tyei á̱niet a̱wun mi̱ vam swak ma̱ng a̱kubunyiung a̱bya si̱ doot ba̱ si̱ ya̱weap a̱ka̱man-tswam a̱bwuang a̱naai na̱ ku doot a̱cyet neet mi̱ fam a̱za-a̱tyin M.S. hu na̱ naat ma̱ a̱keang California a̱ni. Á̱niet-ya̱weap ba si̱ luk a̱ka̱man-tswam a̱feang a̱son na ma̱ a̱ka̱sa-tazwa a̱ka̱hyaai A̱cyian Kaswuo Swanta na mi̱ New York City, a̱wot ba̱ si̱ luk a̱man-tswam a̱tat ka mi̱ nok Pentagon hu (tyantung a̱khwot á̱kwop Amerika ji) ma̱ a̱keang Arlington, Virginia. A̱man-tswam a̱naai ka á̱ ku fa ka̱ na luk mi̱ nok a̱gwomna̱ti mundundung ghyang (ku US Capitol ku White House) ma̱ a̱keang Washington, D.C., si̱ luk a̱kwa mi̱ kyai ghyang ma̱nang a̱yaapasi̱nja ba ku tyia̱ zat a̱ni. Á̱ka̱tuk nyia̱ wuni a̱ ku hyaai kpa̱mkpaan ma̱ng á̱niet 3,000 si̱ fuut swanta hu ku doot di̱ nyia̱ zwang ma̱ng tyei á̱niet a̱wun mi̱ vam.