* Մասնագիտական կարիերայում ընդգրկված են միայն առաջնության խաղերը և գոլերը ըստ օգոստոսի 19-ի, 2019:
‡ Ազգային հավաքականի խաղերն ու գոլերը ըստ օգոստոսի 19-ի, 2019
Ֆեռան Տոռես Գարսիա (իսպ.՝ Ferran Torres García, փետրվարի 29, 2000(2000-02-29), Ֆոյոս), իսպանացի պրոֆեսիոնալ ֆուտբոլիստ։ Ներկայումս հանդես է գալիս Վալենսիայի կազմում։ Խաղում է աջ վինգերի դիրքում։
Ակումբային կարիերա
Վալենսիա
Տոռեսը Վալենսիայի ակադեմիայի սան է։ Իր պրոֆեսիոնալ դեբյուտը նշեց 2017 թվականի նոյեմբերի 30-ին՝ Իսպանիայի գավաթիՌեալ Սարագոսայի դեմ խաղում։ Իր առաջին հանդիպումը Լա Լիգայում Տոռեսը անցկացրեց դեկտեմբերի 16-ին՝ փոխարինելով Անդրեաս ՊերեյրայինԷյբարի դեմ խաղում։ Իր առաջին հանդիպումը Վալենսիայի մեկնարկային կազմում անցկացրեց 2018 թվականի փետրվարի 28-ին՝ Ատլետիկ Բիլբաոյի դեմ խաղում։ 2018 թվականի ապրիլի 3-ին՝ Բարսելոնայի, Ռեալ Մադրիդի, Չելսիի և Լիվերպուլի կողմից հետաքրքրության պատճառով նա երկարաձգեց իր պայմանագիրը ակումբի հետ մինչև 2021 թվականը՝ սահմանելով 100 միլիոն եվրո հրաժարագին։ 2017-18 մրցաշրջանում Տոռեսը անցկացրեց 16 հանդիպում՝ դառնալով 2 գոլային փոխանցման հեղինակ։
Առաջին հանդիպումը եվրոպական առաջնություններում Տոռեսը անցկացրեց 2018 թվականի հոկտեմբերի 23-ին՝ թիմի մեկնարկային կազմում խաղադաշտ դուրս գալով Չեմպիոնների Լիգայի խմբային փուլի Յանգ Բոյզի դեմ խաղում։ Իր առաջին գոլը պրոֆեսիոնալ կարիերայում խփեց 2019 թվականի հունվարի 15-ին՝ Իսպանիայի գավաթիՍպորտինգ Խիխոնի դեմ խաղում՝ այս խաղում դառնալով նաև գոլային փոխանցման հեղինակ։ Լա Լիգայում իր առաջին գոլը խփեց հունվարի 19-ին՝ Սելտա Վիգոյի դեմ խաղում։ Մարտի 10-ին Տոռեսը գոլ խփեց Ժիրոնայի դեմ հանդիպման 90-րդ րոպեին՝ 3-2 հաշվով հաղթանակ պարգևելով իր թիմին։ 2018-19 մրցաշրջանում Տոռեսը անցկացրեց 37 հանդիպում՝ դառնալով 3 գոլի և 2 գոլային փոխանցման հեղինակ, իսկ Վալենսիան հաղթեց Իսպանիայի գավաթը՝ եզրափակչում 2-1 հաշվով պարտության մատնելով Բարսելոնային։
Միջազգային կարիերա
Տոռեսը ներկայացրել է Իսպանիան տարբեր տարիքային երիտասարդական հավաքականներում։ 2017 թվականի մայիսին նա Իսպանիայի Մ17 հավաքականի կազմում մասնակցեց Եվրոպայի առաջնությանը՝ անցկացնելով 6 հանդիպում և օգնելով իր թիմին հաղթել մրցաշարը։ Հոկտեմբերին Տոռեսը մինչև 17 տարեկանների հավաքականի կազմում մասնակցեց աշխարհի առաջնությանը՝ դառնալով 2 գոլի և 3 գոլային փոխանցման հեղինակ և օգնելով Իսպանիային դուրս գալ մրցաշարի եզրափակիչ, որտեղ նրանք պարտվեցին Անգլիային։ 2019 թվականի հուլիսին Տոռեսը մասնակցեց Հայաստանում կայացած Եվրոպայի Մ19 առաջնությանը՝ խաղադաշտ դուրս գալով թիմի բոլոր 5 խաղերում և ընդգրկվելով մրցաշարի խորհրդանշական հավաքականում։ Տոռեսը դուբլ ձևակերպեց առաջնության եզրափակչի Պորտուգալիայի դեմ խաղում՝ օգնելով Իսպանիային հաղթել 2-0 հաշվով և նվաճել գավաթը։